自製牛油果Dips
牛油果可以做有多唔同既形態, 例如可以切片, 切塊, 切粒來做唔同既菜色, 但我專長係做牛油
果Dips, 因為好味又容易做, 又係大人小朋友都鍾意食既小食之一.
牛油果醬可以點餅乾或者'查'麵包食, 甚至做前菜都好好味o家~~
紐西蘭一個牛油果大約NZ$0.99/只, 當造時平至$0.30/只, 即HK$2 都唔駛, 所以都會經常整來食. Display 得佢靚靚地, 做Party 小吃唔失禮.
不過牛油果dips食得多會肥, 因為mix左沙律醬....所以唔好唔覺唔覺食多左...
材料:
牛油果一個
BB仔沙律醬 2 Tablespoons (按個人喜好加量)
鹽 小許
胡椒粉 小許
如果想帶酸, 可加入小許日本芝麻醬或者日本沙律醬. (最開始我都無加, 係后來mix 吓呢個又得, o個樣出來又好味喎~)
做法:
1. 牛油果橫切, 去核, 用匙挖出果肉.
2. 加入全部材料, 用叉搞均成糊便可.
以上為最簡單的食法一
食法二: Party Snack
我會加入切碎既蟹柳, 口感多d....我混入白色部份既蟹柳碎, 紅色頂被我留起切碎放係上面來當裝飾, 等個樣靚d.
(下圖係用左細號既圓形Cookie cutter 做模, 將牛油果醬鋪係餅乾上面)
食法三: 當前菜沙律咁食 (仍然係用牛油果醬, 不同於牛油果塊的沙律)
都係加蟹柳, 不過就切塊, 即食法一加蟹柳塊.
而且會減少BB沙律醬份量(只減少少), 反加多D日本沙律醬.
跟住用大號既圓形Cookie cutter 做模, 放入牛油果醬, 頂放小許沙律菜, 靚靚前菜即成.
此為網上圖片, 因為搵唔到張相...不過個外形同鋪排類同. 
係韓國雜貨店有齊日本芝麻醬 & 日本沙律醬
食法三: Party Snack
將醬'查' 在切片的法國麵包上再捲上smoked salmon同炒過的波菜, 再以粟米點綴一下.
又一作品了... 
Tips: 牛油果要揀深色近乎黑色的, 青色係生而且好硬好難切, 所以要知個牛油熟未, 手起刀落就知. 我一般會買青色的返屋企等佢自己熟, 不過有d牛油果好'橫' 強, 放兩個星期都未熟.....如果心急要即用既, 就小心d揀, 如果摸手太過軟, 即輕按就凹既即係過熟.
留言列表
