close
大阪-京都-東京 
簡單攻略
簡單攻略
2010年10底同嚴生去咗日本自由行. 一去就10日, 不過行程都唔算趕, 可以慢慢行.
最高興應該係嚴生, 由佢原本好唔願意去到之後不時留意有冇平价日本機票. 可想而知....男人遇到心頭好同自己d興趣時, 同女人都係一個樣o者 ^_^
佢全程都買得好誇張, 重要預埋我d行李重量, 真係估都估唔到.
佢買乜野?? 咪假面超人呀, 咸旦超人呀. 怪獸呀....等等等等......不過佢話只有日本至有咁齊同靚既超人, 第2度都搵唔到, 所以就博命買囉.
住大阪:
難波的Vista Hotel, 近心齊橋附近, 出入地點算方便, 係機場坐南海钀到難波落車后去酒店有d遠 (步行)
不過附近有好多'無料案內所' 即馬夫介紹所, 好多著得好四正既男人出入, 又有好多西裝友, 男多過女啦. 單身男出入會比人招問多D, 但男女同行都無咩事.
感覺都安全, 因為唔係酒吧區, 少d人鬧事.
酒店轉出來十零步就係蹤橫商店(undercover), 十分熱鬧, 條街超長, 好好行.
住東京
新宿的Best Western Astina Hotel, 出入地點都叫方便, 但站頭大就係行多少少...
Hotel下面有便利店, 每逢返hotel都入去買小食同o野飲.
食:
係日本都預咗咩都貴....所以我自己都唔係買咗好多野. 最愛係食日本拉面同糖心旦, 真係巧巧味 ~~~
不過係大阪心齊橋食過一間壽司放題, (即任食)就十分之抵呀, 連韓國電視台都來做介紹. 不過好似已經close 咗...
其次都係去到附近見有咩就食, 但係見到人多既鋪頭就唔好錯過, 我地試過排隊食完至發現, 原來天書都有介紹. ^_^
行京都:
只去了一日遊, 其實可以去行多一日都得.唔嚴煩, 甚至住一晚仲好. 因為似遊客區, 環境幾舒服.....
去到京都同旅遊書寫的差不多, 感覺都係好風雅, 係差在未到紅業落索的時候.... 最愛清水寺的小鋪, 不過唔啱拜神... 哈哈
二條城就強差人意. 無想像中好睇, 成個成堡好似行公園咁, 無咩'卓'頭 ....若有幾個忍者出來行下同人影相, 咁至似樣, 如果加d忍者+機關咁就仲吸引人...所以如果無時間可以唔去.
遊客行京都係圍住一個圈咁走, 沿線都有景點可以落車, 主要交通係巴士, 都好易搵路. 不過一定要在東京到京都的車站時到information center 攞夠地圖同資料, d服務人員都好helpful同有禮.
行大阪:
對大阪感覺都幾好, 熱鬧得o黎唔會好嘈, 街道行得好舒服.
大阪都有好多玩具店,比東京更集中, 日本人真係多製作....咁樣會有好多人破產o家..... -.-
於梅田的日清拉面館係必去, 而且確無令我失望, 免費入場,只在自製杯面環節同禮品部至會消費, 价錢都係你會好願意俾的. 幾好玩同影相.
我地中途遇到一pair香港情侶, 仲幫對方影合照. 真係nice~ 否則次次出遊都係幫對方影單人照....大家出門遇見同鄉就幫下手, be nice and be friend la....
行東京:
好City....好多人, 車站
秋葉原: 應該係一般老婆無野啱睇既地方.....如果夠狠心, 不如掉底老公係個度, 自己去第二個地區各自尋寶, 否則會好似我咁失落於秋葉原....
話說我一開始先同嚴生行左好幾間的玩具店, 跟住由得佢自己去漫漫睇野, (佢話我係旁邊, 佢會有d壓力, 會睇得唔夠detail) 所以我自己周圍行....行左幾條街之後已經開始無野好睇, 唯有行遠少少, 比我發現有個公園同小寺廟, 影完相又買下食...仲有禁左罐係幾街頭的湯麵罐頭機, (即係好似汽水機) 跟住就入左去Starbuck 打'dunt"飲杯green tea freppe 到旁晚, 嚴生至出現.....
秋葉原: 應該係一般老婆無野啱睇既地方.....如果夠狠心, 不如掉底老公係個度, 自己去第二個地區各自尋寶, 否則會好似我咁失落於秋葉原....
話說我一開始先同嚴生行左好幾間的玩具店, 跟住由得佢自己去漫漫睇野, (佢話我係旁邊, 佢會有d壓力, 會睇得唔夠detail) 所以我自己周圍行....行左幾條街之後已經開始無野好睇, 唯有行遠少少, 比我發現有個公園同小寺廟, 影完相又買下食...仲有禁左罐係幾街頭的湯麵罐頭機, (即係好似汽水機) 跟住就入左去Starbuck 打'dunt"飲杯green tea freppe 到旁晚, 嚴生至出現.....
下面就係我地10天遊既行程表啦.
文章標籤
全站熱搜
留言列表
