我愛港式蛋撻
酥皮蛋撻都會食但更喜歡牛油皮多一d, 特別係當你知道酥皮要用豬油時, 牛油皮會讓你好過 d ...哈哈哈
蛋撻係紐西蘭其實都好普遍, 茶樓一定會有, 不過唔係好似香港咁間間麵包店都會做, 我只知道有一間里奧台式麵包店同北岸既容記有賣, 都係牛油皮來的. 茶樓一般都係做酥皮多. 所以要食都唔難....
只係有一次從朋友口中知道, 原來個蛋汁好易整, 於是做心思思想自己試吓焗啦.... Around 1...
我先從易入手, 就係只做個蛋汁倒落現成既撻殼來焗, 咁就行出左第一步啦....
撻殼, 係Supermarket 有得賣> 只要將蛋汁調, 倒入去焗10-15分鐘即成.
現成撻賣相當然OK, 蛋汁味道都OK...不過kiwi既甜品做得甜係硬道理....而且牛油都落得好重手吓....仲有買呢d現成撻殼都幾貴, 所以如果學埋自己搓個皮就very good 啦.....
圖中見到有幾個小杯, 係我將多左既蛋汁一齊焗, 食法似燉蛋.
經過初試之后, 我就再等機會自己做埋個撻皮啦.
咁啱我個空姐Friend Kathy會飛來Auckland一轉, 於是我就托佢幫我係HK買撻模過來.
因為係NZ買一個模巧貴, 大約要NZ$3至$4一個, 即HK$18...但整蛋撻唔係整一個o家o麻...所以我上網check吓係HK大約賣幾錢啦....嘩嘩嘩....都係HK$1.5至$3到....
多謝Kathy 幫我買左20個模, 都只係HK$30....香港真係買乜都係天堂.
Around 2...
好啦...昨晚就跟住網上既食譜來搓皮, 前後大約做左1.5hrs...下次做應該會再快d...
食譜我係跟..... http://www.christinesrecipes.com/2009/03/cantonese-egg-tarts.html
唔難o家....
出來既味道當然好味啦, 有聖安娜撻既味道, 哈哈哈....學識整呢個撻皮之後可以試放其他涵料做出唔同既小食o家啦...
文章標籤
全站熱搜
留言列表
